ലക്‌നൗ: പ്രധാനമന്ത്രി പ്രഖ്യാപിച്ച ജനതാ കര്‍ഫ്യൂ അവസാനിച്ച സമയത്ത് പാത്രംമുട്ടി ആഘോഷ റാലി നടത്തിയ യു.പി പൊലിസ് വിവാദത്തില്‍. റാലിയില്‍ ജില്ലാ മജിസ്‌ട്രേറ്റും ജില്ലാ പൊലിസ് മേധാവിയുമടക്കം പങ്കെടുക്കുന്ന വിഡിയോ പുറത്തായതിനെ തുടര്‍ന്ന് മാധ്യമങ്ങള്‍ ജനങ്ങളെ തെറ്റിദ്ധരിപ്പിക്കുന്നുവെന്ന ആരോപണവുമായി അധികൃതര്‍ രംഗത്തെത്തിയിട്ടുണ്ട്.കര്‍ഫ്യൂവിനിടെ പുറത്തിറങ്ങിയ ആളുകളോട് വീട്ടില്‍ കയറാന്‍ നിര്‍ദേശിക്കുകയായിരുവെന്നാണ് ഉദ്യോഗസ്ഥരുടെ വിശദീകരണം. എന്നാല്‍, ഉദ്യോഗസ്ഥര്‍ ആഘോഷങ്ങളില്‍ പങ്കെടുക്കുന്നത് ദൃശ്യങ്ങളില്‍ വ്യക്തമാണ്.