കൊണ്ടോട്ടി: കരിപ്പൂരില്‍ നിന്ന് ഇന്ന് മുതല്‍ മാര്‍ച്ച് 30 വരെ ആഴ്ചയില്‍ മൂന്ന് ദിവസം നേരിട്ട് ഡല്‍ഹിയിലേക്ക് ഇന്‍ഡിഗോ എയര്‍ സര്‍വിസ്. നവീകരണത്തിനായി മുംബൈ വിമാനത്താവളത്തിലെ റണ്‍വേ അടക്കുന്നതിനാലാണ് ഇന്‍ഡിഗോയുടെ കരിപ്പൂര്‍-മുംബൈ-ഡല്‍ഹി സര്‍വിസ് താല്‍ക്കാലികമായി മാറ്റുന്നത്.
ചൊവ്വ, വ്യാഴം,ശനി ദിവസങ്ങളില്‍ ഉച്ചക്ക് 12 ന് പുറപ്പെടുന്ന വിമാനം 3.10ന് ഡല്‍ഹിയിലെത്തും. മാര്‍ച്ച് 30 വരെയാണ് ഇത്തരത്തില്‍ സര്‍വിസ്. മാര്‍ച്ച് 19 മുതല്‍ 23 വരെയുള്ള ആഴ്ചയില്‍ വ്യാഴാഴ്ച സര്‍വിസ് ഉണ്ടായിരിക്കില്ല. നിലവില്‍ ദിവസവും 11.40നാണ് കരിപ്പൂര്‍-മുംബൈ-ഡല്‍ഹി വിമാനം. മറ്റ് ദിവസങ്ങളില്‍ നിലവിലുള്ള രീതിയില്‍ തന്നെയായിരിക്കും സര്‍വിസെന്ന് വിമാന കമ്പനി അധികൃതര്‍ അറിയിച്ചു.