കോഴിക്കോട്: റെയില്‍വേ സ്റ്റേഷനില്‍ അവശനിലയില്‍ കണ്ടെത്തിയ അബുവിന് ഇനി കുടുംബത്തോടൊപ്പം കഴിയാം. റെയില്‍വേ പൊലിസ് നടത്തിയ അന്വേഷണത്തില്‍ അബുവിന്റെ കുടുംബത്തെ കണ്ടെത്തി.
അബുവിന്റെ മകന്‍ മാഹി ചാലക്കര മുക്കുവന്റെ പറമ്പത്ത് സിദ്ദീഖ് ഇന്നലെ അബുവിനെ വീട്ടിലേക്ക് കൊണ്ടുപോയി. കഴിഞ്ഞ ബുധനാഴ്ചയാണ് അവശനിലയില്‍ അബുവിനെ ഒന്നാം പ്ലാറ്റ്‌ഫോമില്‍ കണ്ടെത്തിയത്. റെയില്‍വേ പൊലിസ് ഇദ്ദേഹത്തെ ബീച്ച് ആശുപത്രിയില്‍ പ്രവേശിപ്പിക്കുകയായിരുന്നു. രണ്ടു ദിവസത്തെ ചികിത്സക്ക് ശേഷവും ബന്ധുക്കളെ കണ്ടെത്താന്‍ കഴിയാത്തതിനാല്‍ ആര്‍.പി.എഫ് എസ്.ഐ പി. ജംഷിദിന്റെ നേതൃത്വത്തില്‍ വെസ്റ്റ്ഹില്‍ അഗതിമന്ദിരത്തില്‍ എത്തിച്ചു.
റെയില്‍വേ പൊലിസ് നടത്തിയ അന്വേഷണത്തിലാണ് ബന്ധുക്കളെ കണ്ടെത്തിയത്. മകനെത്തിയതിനെ തുടര്‍ന്ന് അബുവിനെ ബന്ധുക്കള്‍ക്കൊപ്പം അയക്കുകായിരുന്നു.