മൂംബൈ: ലോകത്തിലെ ഏറ്റവും ഭാരം കൂടിയ വനിതയായ ഈജിപ്ഷ്യന്‍ യുവതി ഇമാന്‍ അഹമദിന്റെ (37) ആദ്യ ശസ്ത്രക്രിയ വിജയകരം. 500 കിലോഗ്രാം ഉണ്ടായിരുന്ന ഇമാനയുടെ ഭാരം 100 കിലോഗ്രാം ആയി കുറഞ്ഞതോടെയാണ് ശസ്ത്രക്രിയ നടത്താനായത്. മുംബൈയിലെ സൈഫി ആശുപത്രിയിലാണ് ശസ്ത്രക്രിയ നടന്നത്.
ശസ്ത്രക്രിയക്ക് ശേഷം അമാന്‍ സുഖമായിരിക്കുന്നുവെന്നും മറ്റ് പ്രശ്‌നങ്ങളൊന്നുമില്ലെന്നും ആശുപത്രി അധികൃതര്‍ അറിയിച്ചു. ഇമാന്‍ ദ്രാവക രൂപത്തിലുള്ള ഭക്ഷണമാണ് കഴിക്കുന്നത്. ചികിത്സ ഫലപ്രദമാകുന്നുണ്ടെന്നും എത്രയും പെട്ടെന്ന് ഭാരം കുറയ്ക്കാനാകുമെന്ന് പ്രതീക്ഷിക്കുന്നതായും ഡോക്ടര്‍മാര്‍ അറിയിച്ചു.
ഇമാന് പ്രമേഹം, ഹൈപ്പര്‍ ടെന്‍ഷന്‍ തുടങ്ങിയ രോഗങ്ങളുമുണ്ട്. ഇതിന്റെ ചികിത്സകളും നടക്കുന്നുണ്ട്.
അമിത ഭാരം കാരണം അമാന്‍ 20 വര്‍ഷമായി വീട്ടിനുള്ളില്‍ തന്നെയാണ് കഴിയുന്നത്.
ശരീര ഭാരം കുറയ്ക്കുന്നതിന് വേണ്ടി കഴിഞ്ഞ മാസം വിദേശ കാര്യ മന്ത്രി സുഷമാ സ്വരാജിന്റെ പ്രത്യേക അനുമതിയിലാണ് അമാന്‍ ഇന്ത്യയിലെത്തിയത്.