മലപ്പുറം: സുന്നീ യുവജന സംഘം ജില്ലാകമ്മിറ്റിക്കു കീഴില്‍ പ്രവര്‍ത്തിക്കുന്ന മുസാഅദ റിലീഫ് സെല്‍ തീരദേശ മേഖലയില്‍ നടപ്പാക്കുന്ന റിലീഫ് പ്രവര്‍ത്തനങ്ങളുടെ ഉദ്ഘാടനം ഇന്നു രാവിലെ പതിനൊന്നിന് തിരൂര്‍ പറവണ്ണയില്‍ നടക്കും. മത്സ്യത്തൊഴിലാളി മേഖലയിലെ പാവപ്പെട്ട കുടുംബങ്ങള്‍ക്ക് ഒരു മാസത്തെ ഭക്ഷണക്കിറ്റാണ് വിതരണം ചെയ്യുന്നത്. പറവണ്ണ മദ്‌റസത്തുല്‍ ബനാത്തില്‍ നടക്കുന്ന ചടങ്ങില്‍ ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. അഡ്വ.എന്‍ ശംസുദ്ദീന്‍ എം.എല്‍.എ, കെ.കെ.എസ്. തങ്ങള്‍ വെട്ടിച്ചിറ, അബ്ദുസമദ് പൂക്കോട്ടൂര്‍, കാടാമ്പുഴ മൂസ ഹാജി പ്രസംഗിക്കും. ജില്ലാ കമ്മിറ്റി ഭാരവാഹികള്‍ സംബന്ധിക്കും.