നിലമ്പൂര്‍: ഈ മാസം 17 മുതല്‍ നിലമ്പൂര്‍ ഫെയറിലാന്റ് തിയറ്ററില്‍ സംഘടിപ്പിക്കുന്ന കേരള സംസ്ഥാന ചലച്ചിത്ര അക്കാദമി പ്രാദേശിക ചലച്ചിത്രമേള ഡെലിഗേറ്റ് പാസിനുള്ള രജിസ്‌ട്രേഷന്‍ ഇന്ന് സമാപിക്കും.
നിലമ്പൂര്‍ ടിബിയില്‍ പ്രവര്‍ത്തിക്കുന്ന സ്വാഗതസംഘം ഓഫിസില്‍ ഇന്നു വൈകിട്ട് ഏഴുവരെ രജിസ്‌ട്രേഷന്‍ ഫോമുകള്‍ സ്വീകരിക്കും. മേള 17നു ചലച്ചിത്ര അക്കാദമി ചെയര്‍മാന്‍ കമല്‍ ഉദ്ഘാടനം ചെയ്യും. ലോകസിനിമ, ഇന്ത്യന്‍ സിനിമ, മലയാള സിനിമ എന്നീ വിഭാഗങ്ങളിലായി നാല്‍പതോളം സിനിമകളാണ് അഞ്ചു ദിവസം നീണ്ടുനില്‍ക്കുന്ന മേളയില്‍ പ്രദര്‍ശിപ്പിക്കുക. 21ന് സമാപിക്കും.