തിരുവനന്തപുരം: സിറിയന്‍ ഓര്‍ത്തഡോക്‌സ് സഭാ പരമാധ്യക്ഷന്‍ പാത്രിയാര്‍ക്കീസ് ബാവയ്ക്ക് നേരെയുണ്ടായ ചാവേറാക്രമണത്തില്‍ മുഖ്യമന്ത്രി പിണറായി വിജയന്‍ ശക്തമായി അപലപിച്ചു. ബാവയ്ക്ക് പരുക്കില്ലെന്നറിയുന്നത് ആശ്വാസകരമാണെന്നും അദ്ദേഹം പറഞ്ഞു.

പ്രാര്‍ഥനയ്ക്കു നേതൃത്വം നല്‍കുന്നതിനിടയിലാണ് ചാവേറാക്രമണമുണ്ടായതെന്നാണ് അറിയുന്നത്. ബാവയെ സ്‌നേഹിക്കുകയും ആദരിക്കുകയും ചെയ്യുന്നവരുടെ ഉത്കണ്ഠയിലും ആശങ്കയിലും പങ്കു ചേരുന്നതായും അത്യന്തം ദുഖകരമാണ് സിറിയയിലുണ്ടായ അനിഷ്ട സംഭവമെന്നും മുഖ്യമന്ത്രി പ്രസ്താവനയില്‍ അറിയിച്ചു.

ബാവയുടെ ജന്മനാടായ ഖാമിഷ്‌ലി ജില്ലയിലെ ഖ്വാതിയില്‍ 1915 ലെ സെയ്‌ഫോ കൂട്ടക്കൊലയില്‍ മരിച്ചവരെ അനുസ്മരിക്കുന്ന ചടങ്ങിനിടെയാണ് ആക്രമണം നടന്നത്. ചാവേറും സുരക്ഷാ ചുമതലയുള്ള ഒരാളും ഉള്‍പ്പെടെ മൂന്നു പേര്‍ കൊല്ലപ്പെട്ടു.