കോഴിക്കോട്: കേരള മുസ്‌ലിം ജമാഅത്ത് സംഘടിപ്പിക്കുന്ന ഉമറാ സമ്മേളനം മെയ് നാല്, അഞ്ച് തിയതികളില്‍ കോഴിക്കോട് സ്വപ്നനഗരിയില്‍ നടക്കും.
മെയ് നാലിന് വെള്ളിയാഴ്ച വൈകുന്നേരം നാല് മണിക്ക് സ്വാഗതസംഘം ചെയര്‍മാന്‍ സയ്യിദ് അലി ബാഫഖി തങ്ങള്‍ പതാക ഉയര്‍ത്തും. പ്രതിനിധി സമ്മേളനം കാന്തപുരം എ.പി അബൂബക്കര്‍ മുസ്‌ലിയാര്‍ ഉദ്ഘാടനം ചെയ്യും. ഇ. സുലൈമാന്‍ മുസ്‌ലിയാര്‍ അധ്യക്ഷനാകും.
അഞ്ചിന് രാവിലെ പത്ത് മണിക്ക് കേരള ഉമറാ സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ എ.പി അബൂബക്കര്‍ മുസ്‌ലിയാര്‍, വണ്ടൂര്‍ അബ്ദുറഹ്മാന്‍ ഫൈസി, എന്‍.അലി അബ്ദുല്ല, എസ് ശറഫുദ്ദീന്‍ സംബന്ധിച്ചു.