തിരുവനന്തപുരം: സി.എം.പി ഒന്‍പതാം പാര്‍ട്ടി കോണ്‍ഗ്രസ് ആറുമുതല്‍ എട്ടുവരെ തൃശൂരില്‍ നടക്കും. ആറിന് വൈകിട്ട് നടക്കുന്ന പ്രകടനത്തോടെയും പൊതുസമ്മേളനത്തോടെയും പാര്‍ട്ടി കോണ്‍ഗ്രസ് ആരംഭിക്കുമെന്ന് സി.എം.പി പൊളിറ്റ് ബ്യൂറോ അംഗം അഡ്വ.ജി. സുഗുണന്‍ വാര്‍ത്താസമ്മേളനത്തില്‍ അറിയിച്ചു. തൃശൂര്‍ വിദ്യാര്‍ഥി കോര്‍ണറില്‍ നടക്കുന്ന പൊതുസമ്മേളനം സി.പി.എം പൊളിറ്റ് ബ്യൂറോ അംഗം എസ്. രാമചന്ദ്രന്‍പിള്ള ഉദ്ഘാടനം ചെയ്യും.
പ്രതിനിധി സമ്മേളനം ഏഴ്, എട്ട് തിയതികളില്‍ ടാഗോര്‍ സെനറ്റ് ഹാളില്‍ നടക്കും. സി.എം.പി ജന. സെക്രട്ടറി എം.കെ കണ്ണന്‍ ഉദ്ഘാടനം ചെയ്യും. വൈകിട്ട് നടക്കുന്ന സെമിനാറില്‍ സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍, സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍, ജനതാദള്‍ സംസ്ഥാന പ്രസിഡന്റ് വീരേന്ദ്രകുമാര്‍ എം.പി പങ്കെടുക്കും.