ജിദ്ദ: മതമൂല്യങ്ങള്‍ സംരക്ഷിക്കാന്‍ കൂട്ടായ ശ്രമങ്ങള്‍ അനിവാര്യമെന്ന് അബ്ബാസലി ശിഹാബ് തങ്ങള്‍. എസ്.കെ.ഐ.സി യാമ്പു സെന്‍ട്രല്‍ കമ്മിറ്റി സംഘടിപ്പിച്ച സ്വീകരണ പരിപാടിയില്‍ സംസാരിക്കുകയായിരുന്നു അദ്ദേഹം. വൈവിധ്യങ്ങള്‍ക്കിടയിലും രാജ്യത്തിന്റെ യശസ്സുയര്‍ത്തിപ്പിടിക്കാന്‍ നമ്മുടെ നാടിന് സാധിച്ചത് മതേതര മൂല്യങ്ങള്‍ ഉയര്‍ത്തിപ്പിടിച്ച് സൗഹാര്‍ദം നിലനിര്‍ത്താന്‍ സാധിച്ചതിലൂടെയാണെന്നും അദ്ദേഹം അഭിപ്രായപ്പെട്ടു.

എസ്.കെ.ഐ.സി യാമ്പു സെന്‍ട്രല്‍ കമ്മിറ്റി പ്രസിഡന്റ് സഅദ് നദ്‌വി അധ്യക്ഷത വഹിച്ചു. അയ്യൂബ് കൂളിമാട്, അബൂബക്കര്‍ ഫൈസി മലയമ്മ, സി.കെ.എം ഫൈസി, അബ്ദുന്നൂര്‍ ദാരിമി സംസാരിച്ചു.
സെന്‍ട്രല്‍ കമ്മിറ്റി ജനറല്‍ സെക്രട്ടറി മുസ്തഫ മൊറയൂര്‍ സ്വാഗതം പറഞ്ഞു. മുഹമ്മദ് റിസില്‍ ഖിറാഅത്ത് നടത്തി.