പുതുനഗരം: അമിതഭാരവുമായി ചരക്കുകള്‍ കടത്തുന്നത് അപകടങ്ങള്‍ക്ക് വഴിവക്കുന്നു. വൈക്കോല്‍, ബോര്‍ഡുകള്‍, ആക്രി സാമഗ്രികള്‍ എന്നിവയാണ് അനുവദനീയമായതിലും അധികം ചരക്കു വാഹനങ്ങളില്‍ കയറ്റുന്നത്. ലോറിയില്‍ അമിതമായി കയറ്റിയ ചരക്കുകള്‍ റോഡില്‍ അഴിഞ്ഞുവീഴുന്നത് പതിവായിട്ടും പൊലിസ് നടപടിയെടുക്കുന്നില്ല. മറ്റ് വാഹനങ്ങള്‍ക്കും ഭീഷണിയാകുന്നതിനാല്‍ മോട്ടോര്‍ വാഹന വകുപ്പും പൊലിസും നടപടിയെടുക്കണമെന്നാണ് നാട്ടുകാരുടെ ആവശ്യം.