മുള്ളേരിയ: കേരള-കര്‍ണാടക അതിര്‍ത്തി പ്രദേശമായ പഞ്ചിക്കലില്‍ കെ.എസ്.ആര്‍.ടി.സി ബസും മരം കയറ്റിവരികയായിരുന്ന ലോറിയും കൂട്ടിയിടിച്ച് 35 പേര്‍ക്ക് പരുക്കേറ്റു. ഇതില്‍ രണ്ടു പേരുടെ നില ഗുരുതരമാണ്. ഇന്നലെ രാവിലെ ഏഴരയോടെ പഞ്ചിക്കല്‍ ഉഡൂര്‍ വളവിലാണ് സംഭവം. ബസ് ഡ്രൈവര്‍ കോഴിക്കോട് സ്വദേശി മുഹമ്മദ് (37), ലോറി ഡ്രൈവര്‍ ഈശ്വര മംഗലം സ്വദേശി അലി(40) എന്നിവരെ സാരമായ പരുക്കുകളോടെ മംഗളൂരു ആശുപത്രിയില്‍ പ്രവേശിപ്പിച്ചു. ബസ് കണ്ടക്ടര്‍ കള്ളാര്‍ സ്വദേശി രാജേഷ്(38) എന്നിവരെയും യാത്രക്കാരായ 32 പേരെയും പരുക്കുകളോടെ സുള്ള്യ താലൂക്ക് ആശുപത്രി, കെ.വി.ജി ആശുപത്രി എന്നിവിടങ്ങളില്‍ പ്രവേശിപ്പിച്ചു.