കാട്ടാക്കട: നെയ്യാറില്‍ കുളിക്കാനിറങ്ങി  കാണാതായ യുവാവിന്റെ മൃതദേഹം കണ്ടെടുത്തു.നിലമേല്‍ കടവ് സ്വാതി ഭവനില്‍ വാമദേവന്‍  അനിത ദമ്പതികളുടെ മകന്‍ സൂരജ് (22) ആണ്  മരിച്ചത്. ഞായാറാഴ്ച  പെരിഞ്ഞാം കടവിനു സമീപം നിലമേല്‍ കപ്പില്‍  സഹോദരീ ഭര്‍ത്താവ്  മനുവുമൊത്ത്  ആറ്റില്‍ കുളിക്കാനിറങ്ങവെയാണ് സൂരജിനെ കാണാതായത്. അന്നു തന്നെ നാട്ടുകാരും പൊലിസും  അഗ്‌നിശമന സേനയും എത്തി രാത്രി തിരച്ചില്‍ നടത്തി എങ്കിലും കണ്ടെത്താതായില്ല.  ഇന്നലെ രാവിലെ ഏഴു മണിയോടെ സൂരജിനെ കാണാതായതിനു സമീപത്തെ ചുഴിയില്‍ നിന്നും പ്രദേശവാസി നടത്തിയ തെരച്ചിലില്‍ മൃതദേഹം കണ്ടെത്തുകയായിരുന്നു . മേല്‍നടപടികള്‍ക്കു ശേഷം മൃതദതേഹം  ബന്ധുക്കള്‍ക്ക് വിട്ടു കൊടുത്തു.ഉച്ചയ്ക്ക് രണ്ടരയോടെ  സംസ്‌ക്കരിച്ചു .സഹോദരി സ്വാതി.