കാസര്‍കോട്: സ്‌റ്റേറ്റ് ബാങ്ക് ഓഫ് ട്രാവന്‍കൂറിനെ സംരക്ഷിക്കുക എന്ന മുദ്രാവാക്യമുയര്‍ത്തി എസ്.ബി.ടി സ്റ്റാഫ് യൂനിയന്‍ (ബെഫി) സംഘടിപ്പിക്കുന്ന ജാഥയ്ക്ക് കാസര്‍കോട്ട് തുടക്കം.
പുതിയ ബസ് സ്റ്റാന്‍ഡ് പരിസരത്ത് സി.പി.എം കേന്ദ്ര കമ്മിറ്റി അംഗം പി. കരുണാകരന്‍ എം.പി ജാഥാക്യാപ്റ്റന്‍ അമല്‍ രവിക്ക് പതാക കൈമാറി ഉദ്ഘാടനം ചെയ്തു. കെ.എ മുഹമ്മദ് ഹനീഫ അധ്യക്ഷനായി.
വി.സി മാത്യു, കെ. രവീന്ദ്രന്‍, എന്‍. കുഞ്ഞികൃഷ്ണന്‍, കെ. സതീശന്‍, പി. അപ്പക്കുഞ്ഞി എന്നിവര്‍ സംസാരിച്ചു. എസ.്ബി.ടിയെ എസ്.ബി.ഐയില്‍ ലയിപ്പിക്കാനുള്ള തീരുമാനത്തിനെതിരേയാണ് ജീവനക്കാര്‍ പ്രക്ഷോഭം തുടങ്ങിയിരിക്കുന്നത്. ജാഥക്ക് ഉദുമ, ഹൊസ്ദുര്‍ഗ്, നീലേശ്വരം, ചെറുവത്തൂര്‍, കരിവെള്ളൂര്‍ എന്നിവിടങ്ങളില്‍ സ്വീകരണം നല്‍കി.