മാവേലിക്കര: താലൂക്ക് സഹകരണ ബാങ്കിലെ ചിറ്റാളന്‍ അറിയാതെ ചിട്ടിമാറ്റിയ സംഭവത്തില്‍ സഹകരണബാങ്ക് മുന്‍ ഓഡിറ്റര്‍ സെക്രട്ടറി എന്നിവര്‍ക്കെതിരേ പൊലിസ് കേസെടുത്തു. ചെന്നിത്തല പുത്തന്‍കോട്ടയ്ക്കകം വിളയില്‍ തെക്കതില്‍ വി.ആര്‍ റ്റിജുവിന്റെ പരാതിയിലാണ് പൊലിസ് കേസെടുത്തത്.
താലൂക്ക് സഹകരണബാങ്ക് മുന്‍ ഓഡിറ്റര്‍ മണ്ണാറശാല തുലാംപറമ്പ് വടക്ക് താമരശേരില്‍ കൃഷ്ണകുമാരിയമ്മ, മാവേലിക്കര താലൂക്ക് സഹകരണബാങ്ക് സെക്രട്ടറി അന്നമ്മ മാത്യു എന്നിവര്‍ക്കെതിരേയാണ് മാവേലിക്കര പൊലിസ് കേസെടുത്ത് അന്വേഷണം ആരംഭിച്ചത്.