കോവളം: വിഴിഞ്ഞത്ത് വിനോദ സഞ്ചാരത്തിനെത്തിയ വിദേശ യുവതിയെ പീഡിപ്പിക്കാന്‍  ശ്രമിച്ച യുവാവിനെ പൊലിസ് അറസ്റ്റ് ചെയ്തു.ടൂറിസ്റ്റ് ടാക്‌സി ഡ്രൈവറായ ചൊവ്വര സ്വദേശി വിനയകുമാര്‍ (30) ആണ് വിഴിഞ്ഞം പൊലിസിന്റെ പിടിയിലായത്.ചൊവ്വരയിലെ സ്വകാര്യ റിസോര്‍ട്ടിലെത്തിയ 28 കാരിയായ വിദേശവനിതക്ക് നേരേയാണ് പീഡനശ്രമം ഉണ്ടായത്.റിസോര്‍ട്ടുകാരുടെ നിര്‍ദ്ദശം അനുസരിച്ച് കഴിഞ്ഞ രണ്ട് ദിവസമായി ഇയാളുടെ ടാക്‌സിയിലാണ് യുവതി സഞ്ചരിച്ചിരുന്നത്. വെള്ളിയാഴ്ച കോട്ടൂരിലെ ആന പരിശീലന കേന്ദ്രം സന്ദര്‍ശിക്കാനായുള്ള യാത്രയ്ക്കിടയിലാണ് പീഡനശ്രമം നടന്നത്.  
വിഴിഞ്ഞം എസ്.ഐ പി. രതീഷിന്റെ നേതൃത്വത്തിലായിരുന്നു അറസ്റ്റ്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.