മാഹി: പെണ്‍കരുത്ത് തെളിയിച്ച് മാഹി കോളജിലെ വിദ്യാര്‍ഥിനികള്‍ ആയോധന വിദ്യയിലും പ്രാവീണ്യം നേടുന്നു. ലോക വനിതാ ദിനത്തോടനുബന്ധിച്ചാണ് മാഹി കോളജില്‍ കരാത്തെ പരിശീലനവും വനിതാ സെമിനാറും നടന്നത്. 35 ഓളം ബിരുദ വിദ്യാര്‍ഥിനികളാണ് മാസങ്ങളായി കരാത്തെയില്‍ പരിശീലനം തുടരുന്നത്. കരാത്തെ പരിശീലകന്‍ സെന്‍സായ് കെ വിനോദ് കുമാര്‍ വനിതാ സെമിനാര്‍ ഉദ്ഘാടനം ചെയ്തു. ഡോ. ടി.കെ ഗീത അധ്യക്ഷയായി. ഡോ.കെ റീമ, സീന, ശ്രീജ, അശ്വിന്‍ കുമാര്‍ സംസാരിച്ചു.