നിലമ്പൂര്‍: ജില്ലയില്‍ സര്‍ക്കാര്‍ സ്‌കൂളുകളില്‍ ഒന്നു മുതല്‍ ഏഴാം ക്ലാസുവരെ പഠിക്കുന്ന 365 സ്‌കൂളുകളിലെ മുഴുവന്‍ വിദ്യാര്‍ഥികള്‍ക്കും രണ്ടു ജോഡി കൈത്തറി യൂനിഫോം തുണി 42 വ്യത്യസ്ത കളര്‍ കോഡുകളിലായി വിതരണത്തിനു തയാറായി. ജില്ലയില്‍ 149788 കുട്ടികള്‍ക്കാണ് തുണികള്‍ സൗജന്യമായി നല്‍കുന്നത്.
ജില്ലാതല ഉദ്ഘാടനം നിലമ്പൂര്‍ ചന്തക്കുന്ന് ജി.എം എല്‍.പി സ്‌കൂളില്‍ പി.വി അന്‍വര്‍ എം.എല്‍.എ നിര്‍വഹിച്ചു. നഗരസഭ ചെയര്‍പേഴ്‌സണ്‍ പത്മിനി ഗോപിനാഥ് അധ്യക്ഷയായി.
എ.ഇ.ഒ പി. വിജയന്‍, ജില്ലാ വ്യവസായ കേന്ദ്രം ജന.മാനേജര്‍ ടി. അബ്ദുല്‍ വഹാബ്, എ. അബ്ദുല്‍ ലത്തീഫ്, ശ്രീജ ചന്ദ്രന്‍, മുംതാസ്ബാബു, എസ്.എസ്.എ ജില്ലാ പ്രൊജക്ട് ഓഫിസര്‍ എന്‍. നാസര്‍. ജ്യോതികുമാര്‍, വിനോദ്, പ്രധാനധ്യാപകന്‍ പി.സി ശശീന്ദ്രന്‍, ബാബു വര്‍ഗീസ് സംസാരിച്ചു.