പേരാമ്പ്ര: പേരാമ്പ്രയിൽ സിപിഎം പ്രവർത്തകനെ വെട്ടിപ്പരുക്കേൽപ്പിച്ച കേസിൽ രണ്ട് ബിജെപി പ്രവർത്തകർ അറസ്റ്റിൽ. മുതുവണ്ണാച്ച സ്വദേശികളായ നിതിൻ ആനന്ദ് (38), പ്രജീഷ് കുമാർ (45) എന്നിവരാണ് പിടിയിലായത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

കഴിഞ്ഞ ദിവസമാണ് സിപിഎം പ്രവർത്തകനായ ദിനേശന് (49) വെട്ടേറ്റത്. തലയ്ക്കും കൈകൾക്കും ഗുരുതരമായി പരുക്കേറ്റ ഇയാളെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. നിലവിൽ ചികിത്സയിലുള്ള ഇയാൾ അപകടനില തരണം ചെയ്തതായാണ് വിവരം.

ALSO READ: ജയലക്ഷ്മി സിൽക്സിലെ തീപിടുത്തത്തിൽ 50 കോടിയുടെ നഷ്ടമെന്ന് പരാതി; കാരണം അവ്യക്തമെന്ന് ഫയർഫോഴ്സ്; പൊലിസ് കേസെടുത്തു

രാത്രി കുറ്റ്യാടിയിലെ കട അടച്ച് വീട്ടിലേക്ക് മടങ്ങുന്നതിനിടെ മുതുവണ്ണാച്ചയിൽ വെച്ചായിരുന്നു ആക്രമണം. ബൈക്കിലെത്തിയ മൂന്നംഗ സംഘം ദിനേശനെ തടഞ്ഞുനിർത്തി ആയുധങ്ങളുമായി ആക്രമിക്കുകയായിരുന്നു. അതേസമയം, കേസിൽ മറ്റൊരാൾ കൂടി ഉൾപെട്ടിട്ടുണ്ടെന്നാണ് വിവരം.

Two BJP workers, Nithin Anand (38) and Prajesh Kumar (45), were arrested for allegedly attacking a CPM activist in Perambra, Kerala. The accused were remanded to custody after being produced in court.