പടന്നക്കാട്: കേരള കാര്‍ഷിക സര്‍വകലാശാല, പടന്നക്കാട് കാര്‍ഷിക കോളജ് വിദ്യാര്‍ഥി യൂനിയന്‍ എന്നിവയുടെ സംയുക്താഭിമുഖ്യത്തില്‍ പടന്നക്കാട് കാര്‍ഷിക കോളജില്‍ സംഘടിപ്പിക്കുന്ന മാമ്പഴ മഹോത്സവത്തിന് ഇന്ന് തുടക്കമാകും.
മാമ്പഴ മഹോത്സവത്തിന്റെ ഉദ്ഘാടനം വൈകിട്ട് മൂന്നിന് മന്ത്രി വി.എസ് സുനില്‍കുമാര്‍ നിര്‍വഹിക്കും. പിലിക്കോട് പഞ്ചായത്തിന്റെ സഹകരണത്തോടെ നടപ്പാക്കുന്ന നാട്ടുമാവ് പൈതൃകം പദ്ധതിയുടെ ലോഗോ പ്രകാശനവും വിത്തുവിതരണവും മന്ത്രി നിര്‍വഹിക്കും. മന്ത്രി ഇ. ചന്ദ്രശേഖരന്‍ അധ്യക്ഷനാകും. കാര്‍ഷിക സര്‍വകലാശാല വൈസ് ചാന്‍സിലര്‍ ഡോ. ആര്‍. ചന്ദ്രബാബു സംബന്ധിക്കും. മാംഗോഫെസ്റ്റ് ശില്‍പി ഡോ. ടി. പ്രദീപ് കുമാറിനെ ആദരിക്കും. ഡോ. കെ.എം ശ്രീകുമാറിന്റെ പുസ്തകം കാസര്‍കോട് കലക്ടര്‍ കെ. ജീവന്‍ ബാബു പ്രകാശനം ചെയ്യും. നാളെ രാവിലെ മുതല്‍ പ്രദര്‍ശനം തുടരും. വൈകിട്ട് അഞ്ചിന് സമാപന സമ്മേളനം പി. കരുണാകരന്‍ എം.പി ഉദ്ഘാടനം ചെയ്യും. എം. രാജഗോപാലന്‍ എം.എല്‍.എ അധ്യക്ഷനാകും.