വൈക്കം: മത്സ്യതൊഴിലാളികളുടെ മക്കള്‍ക്കുള്ള പഠനോപകരണങ്ങളുടെ വിതരണോദ്ഘാടനം ഉദയനാപുരം പഞ്ചായത്ത് പ്രസിഡന്റ് സാബു പി.മണലൊടി നിര്‍വഹിച്ചു. ഗ്രാമപഞ്ചായത്ത് 2016-17 വാര്‍ഷിക പദ്ധതിയില്‍പ്പെടുത്തി നടപ്പിലാക്കിയതാണ് പദ്ധതി. മുണ്ടുകാട് വര്‍ക്ക്‌ഷോപ്പ് ഷെഡ്ഡില്‍ നടന്ന ചടങ്ങില്‍ വികസനകാര്യ സ്റ്റാന്റിങ് കമ്മിറ്റി ചെയര്‍മാന്‍ പി.എസ് മോഹനന്‍ അധ്യക്ഷനായി. ക്ഷേമകാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ പ്രവീണ സിബി, പഞ്ചായത്ത് അംഗങ്ങളായ ഗിരിജ പുഷ്‌ക്കരന്‍, ജയ ഷാജി, ഫിഷറീസ് സബ് ഇന്‍സ്‌പെക്ടര്‍ മെറിറ്റ് സംസാരിച്ചു.