ഫറോക്ക്: കഴിദവസം രാത്രിയുണ്ടായ കാറ്റിലും മഴയിലും മരങ്ങള്‍ മുറിഞ്ഞു വീണു വീടുകള്‍ നാശം. ഫറോക്ക് കല്ലംപാറ, കരുവന്‍തിരുത്തി മേഖലയിലാണ് ആഞ്ഞു വീശിയ കാറ്റില്‍ നാശനഷ്ടങ്ങളുണ്ടായത്.
കല്ലംപാറ ചെമ്മൈപ്പാടം വലിയപൊറ്റമ്മല്‍ കല്‍മ്മെയിയുടെ വീടിനു മുകളിലേക്ക് തെങ്ങു പൊട്ടി വീണത്. ഓടിട്ട വീടിന്റെ മേല്‍ക്കൂര പൂര്‍ണ്ണമായും തകര്‍ന്നു.
കരുവന്‍തിരുത്തി ചെറുമാട്ടുമ്മല്‍ കുഞ്ഞീമുട്ടിയുടെ വീടിനു മുകളിലേക്ക് സമീപ പറമ്പിലെ തെങ്ങു പൊട്ടി വീണു. ഓടിട്ട വീടിന്റെ അടുക്കള ഭാഗം മേല്‍ക്കൂരയും തകര്‍ന്നു.
തെക്കെത്തല മഞ്ഞറോടന്‍ കുട്ടിക്കോയയുടെ വീടിനു മുകളിലേക്ക് പ്ലാവും കമുകും പൊട്ടിവീണു മേല്‍ക്കൂര നശിച്ചു. പെരുമുഖം മലയില്‍ സുന്ദരന്റെ വീടിനു മുകളിലേക്ക് സമീപ പറമ്പിലെ തെങ്ങ് പൊട്ടിവീണു. സണ്‍ഷേഡ് പൊട്ടി. നഗരസഭ അധ്യക്ഷ പി. റുബീന, കൗണ്‍സിലര്‍മാരായ കെ.ടി മജീദ്, കെ. മൊയ്തീന്‍കോയ, കെ.പി അഷ്‌റഫ്, കെ. ഖമറുലൈല, എ.കെ ഉമ്മുകുല്‍സു എന്നിവര്‍ നാശനഷ്ടമുണ്ടായ സ്ഥലങ്ങള്‍ സന്ദര്‍ശിച്ചു.