മണ്ണാര്‍ക്കാട്: കെ.എസ്.ഇ.ബിയില്‍ നിന്ന് വിരമിച്ച എന്‍ജിനീയര്‍ സ്വന്തമായുളള കാര്‍ സന്നദ്ധ സംഘടനയുടെ പ്രവര്‍ത്തനങ്ങള്‍ക്ക് നല്‍കി. മണ്ണാര്‍ക്കാട് കെ.എസ്.ഇ.ബിയിലെ റിട്ട. അസിസ്റ്റന്റ് എക്‌സിക്യൂട്ടീവ് എന്‍ജിനീയറായ ശിവദാസനാണ് താന്‍ വീട്ടില്‍ ഉപയോഗിച്ചിരുന്ന വാഗണര്‍ കാര്‍ സന്നദ്ധ സംഘടനക്ക് സൗജന്യമായി നല്‍കിയത്.
കര്‍ക്കിടാംകുന്ന് ആലുങ്ങലില്‍ പ്രവര്‍ത്തിക്കുന്ന കനിവ് എന്ന സംഘനക്കാണ് കാര്‍ നല്‍കിയത്. കഴിഞ്ഞ ദിവസം ഭാരവാഹികള്‍ക്ക് കാറിന്റെ താക്കോലും മറ്റ് രേഖകളും കൈമാറി. രോഗികളെ വീട്ടിലെത്തി പരിചരിക്കുന്നതിന് വേണ്ടിയാണ് കാര്‍ ഉപയോഗിക്കുക്കയെന്ന് ഭാരവാഹികള്‍ പറഞ്ഞു. നേരത്തെ സംഘടനയുടെ തന്നെ ആംബുലന്‍സിലായിരുന്നു രോഗികളെ പരിചരിക്കുന്നതിന് വേണ്ടണ്ടി വീടുകളില്‍ പോയിരുന്നത്.