വെഞ്ഞാറമൂട്: പ്രവാസിയായ ഭര്‍ത്താവിന്റെ വ്യാജ ഒപ്പിട്ട് ലക്ഷങ്ങള്‍ തട്ടിയതായി പരാതി.
ബാങ്ക് മാനേജരുടെ പങ്ക് കൂടി അന്വേഷിയ്ക്കണമെന്ന് ആവശ്യപ്പെട്ട് ഡി.ജി.പി.യ്ക്കും പരാതി നല്‍കിയതോടെ പൊലിസ് അന്വേഷണം ഊര്‍ജിതമാക്കി.
ഒപ്പിന്റെ സാധുത പരിശോധിയ്ക്കാന്‍ എഫ്.എസ് സെല്ലിന്റെ സഹായം തേടിയിരിയ്ക്കുകയാണ് വെഞ്ഞാറമൂട് പൊലിസ്.
പുല്ലംമ്പാറ തെക്കുംകര പുത്തന്‍വീട്ടില്‍ ശ്രീനി (45) യാണ് ഭാര്യ വാമനപുരം സ്വദേശിനിയായ ഭാര്യ കവിത (36) ക്കെതിരേ വെഞ്ഞാറമൂട് പൊലിസില്‍ പരാതി നല്‍കിയത്.
ജനുവരി മൂന്ന് മുതല്‍ ഡിസംബര്‍ മൂന്ന് വരെയുള്ള കാലയളവില്‍ എസ്.ബി.ഐയുടെ വെഞ്ഞാറമൂട് ബ്രാഞ്ചില്‍ നിന്നും നാല് ലക്ഷത്തി മുപ്പത്തി ഏഴായിരം രൂപ തട്ടിയെടുത്തു എന്നാണ് പരാതി.
20 വര്‍ഷമായി ഗള്‍ഫിലുള്ളതും രണ്ടുവര്‍ഷത്തില്‍ ഒരിയ്ക്കല്‍ നാട്ടില്‍ എത്തുന്ന ആളുമാണ് പരാതിക്കാരന്‍.
ദമ്പതികളുടെ പേരിലുള്ള ലോക്കര്‍ അകൗണ്ടില്‍ വച്ചിരുന്ന 49 പവന്‍ സ്വര്‍ണത്തെ ചൊല്ലിയുള്ള തര്‍ക്കവും പിണക്കവുമാണ് ഭര്‍ത്താവില്‍ സംശയം ഉണ്ടാക്കിയത്.
തുടര്‍ന്ന് വെഞ്ഞാറമൂട് പൊലിസില്‍ പരാതിനല്‍കി.
എസ്.ഐ ശാം ,എ.എസ്.ഐ രാജയ്യന്‍ എന്നിവര്‍ അന്വേഷണം നടത്തി കേസ് രജിസ്റ്റര്‍ ചെയ്ത് ഒപ്പിന്റെ സാധുത പരിശോധിയ്ക്കാന്‍ അയച്ചു. ഇതിനിടെയാണ് ബാങ്ക് മാനേജര്‍ക്കെതിരേ പരാതി നല്‍കിയത്.