കോഴിക്കോട്: കാര്‍ഷിക വികസന വകുപ്പിന്റെ പച്ചക്കറി വികസന പരിപാടി 2016-17 ഭാഗമായുള്ള ജില്ലാതല അവാര്‍ഡ് വിതരണം മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു.  നളന്ദ ഓഡിറ്റോറിയത്തില്‍ നടന്ന ചടങ്ങില്‍ മികച്ച കര്‍ഷകനുള്ള അവാര്‍ഡ് എം.കെ രാജന്‍ കാക്കൂരിന് സമര്‍പ്പിച്ചു.
       ശിവദാസ് വലിയകുനി ചെങ്ങോട്ട് കാവ്, കൃഷ്ണന്‍കുട്ടി തടത്തുമ്മല്‍ ചാത്തമംഗലം എന്നിവര്‍ക്ക് രണ്ടും മൂന്നും സ്ഥാനങ്ങള്‍ നേടി. മികച്ച ക്ലസ്റ്ററിനുള്ള അവാര്‍ഡ് ഫെയര്‍ എ ഗ്രേൗ ക്ലസ്റ്റര്‍ മരുതോംകരക്കും വേളം ക്ലസ്റ്റര്‍, തലക്കുളത്തൂര്‍ ക്ലസ്റ്റര്‍ എന്നിവയ്ക്ക് രണ്ടും മൂന്നും സ്ഥാനങ്ങളും ലഭിച്ചു.
മികച്ച സ്‌കൂള്‍ പച്ചക്കറി തോട്ടം ജി.വി.എച്ച്.എസ് താമരശേരിക്കും രണ്ടും മൂന്നും സ്ഥാനങ്ങള്‍ വല്ല്യാദ് എല്‍.പി സ്‌കൂള്‍ തിരുവള്ളൂര്‍, ചങ്ങരോത്ത് എ.യു.പി സ്‌കൂളും കരസ്ഥമാക്കി. മികച്ച പഞ്ചായത്തിനുള്ള അവാര്‍ഡ് ചാത്തമംഗലം പഞ്ചായത്തും രണ്ടും മൂന്നും സ്ഥാനങ്ങള്‍ കടലുണ്ടി പഞ്ചായത്ത്, ചെങ്ങോട്ട്കാവ് പഞ്ചായത്ത് എന്നിവ നേടി. കൃഷി ഡെപ്യൂട്ടി ഡയറക്ടര്‍ പ്രേമജ സ്വാഗതവും എസ്.ശുഭ നന്ദിയും പറഞ്ഞു.