പുളിഞ്ഞാല്‍: പുനര്‍ നിര്‍മിച്ച പുളിഞ്ഞാല്‍ ജുമാ മസ്ജിദ് ഉദ്ഘാടനവും ത്രിദിന മതപ്രഭാഷണവും വെള്ളിയാഴ്ച നടക്കും.
പരിപാടിയോടനുബന്ധിച്ച് നടക്കുന്ന ത്രിദിന മതപ്രഭാഷണം ഇന്ന് രാത്രി എട്ടിന് മഹല്ല് ഖത്വീബ് അബ്ദുസമദ് ദാരിമി ഉദ്ഘാടനം ചെയ്യും. അഷ്‌റഫ് റഹ്്മാനി ചൗക്കി പ്രഭാഷണം നടത്തും. നാളെ ആസിഫ് വാഫിയും വ്യാഴം മുജീബ് ഫൈസി കമ്പളക്കാടും പ്രഭാഷണം നടത്തും. വ്യാഴം ഉച്ചക്ക് 1.30 മുതല്‍ വൈകിട്ട് നാല് വരെ വനിതാ സന്ദര്‍ശനവും നടക്കും. വെള്ളിയാഴ്ച പാണക്കാട് സയ്യിദ് നാസര്‍ ഹയ്യ് ശിഹാബ് തങ്ങള്‍ ജുമുഅ നിസ്‌കാരത്തിന് നേതൃത്വം നല്‍കി ഉദ്ഘാടനം നിര്‍വഹിക്കും. വൈകിട്ട് നാലിന് നടക്കുന്ന പൊതുസമ്മേളനത്തില്‍ വി. മൂസക്കോയ മുസ്്‌ലിയാര്‍ പ്രാര്‍ഥന നടത്തും. സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍ അധ്യക്ഷനാവും. എസ്.വൈ.എസ് സംസ്ഥാന സെക്രട്ടറി ഹസന്‍ സഖാഫി പൂക്കോട്ടൂര്‍ മുഖ്യപ്രഭാഷണം നടത്തും. രാത്രി 7.30ന് സയ്യിദ് സനാഉല്ല അല്‍ യമാനി തങ്ങള്‍ സമാപന ദുആ മജ്‌ലിസിന് നേതൃത്വം നല്‍കും.