മലപ്പുറം: 21ാമത് രാജ്യാന്തര ചലച്ചിത്രമേളയുടെ റീജ്യണല്‍ ഫെസ്റ്റിവല്‍ 17 മുതല്‍ 21 വരെ നിലമ്പൂര്‍ ഫെയറിലാന്റ് സിനിമാസില്‍ നടക്കും. മാര്‍ച്ച് 17നു വൈകിട്ട് അഞ്ചിനു ചലച്ചിത്ര അക്കാദമി വൈസ് ചെയര്‍മാന്‍ കമല്‍ ഉദ്ഘാടനം ചെയ്യും. ഫെസ്റ്റിവല്‍ ബുക്ക് ബീനാപോള്‍ പ്രകാശനം ചെയ്യും. ഉദ്ഘാടന ചിത്രമായി 9.15നു മികച്ച സിനിമ, സംവിധായക അവാര്‍ഡുകള്‍ നേടിയ മാന്‍ഹോള്‍ പ്രദര്‍ശിപ്പിക്കും. ഫെസ്റ്റിവല്‍ സിനിമാ പ്രദര്‍ശനം 17നു രാവിലെ 10ന് ആരംഭിക്കും. 21നു വൈകിട്ട് ആിനു നടക്കുന്ന സമാപന സമ്മേളനം സിനിമാ സംവിധായകനും അവാര്‍ഡ് ജേതാവുമായ ടി.വി ചന്ദ്രന്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ നിലമ്പൂര്‍ ആയിഷ, പത്മാക്ഷന്‍, മധുജനാര്‍ദനന്‍, മാട്ടുമ്മല്‍ സലീം, യു.ടി പ്രവീണ്‍ പങ്കെടുത്തു.