റിയാദ്: ഇറാനുമായുള്ള ആണവ കരാറില്‍ നിന്ന് പിന്‍മാറിയ യു.എസ് പ്രസിഡന്റ് ഡൊണാള്‍ഡ് ട്രംപിന്റെ തീരുമാനത്തെ പിന്തുണച്ച് ഇസ്‌റാഈല്‍, അറബ് സഖ്യകക്ഷി രാജ്യങ്ങള്‍.
ട്രംപിന്റെയും സഊദി ഭരണാധികാരി മുഹമ്മദ് ബിന്‍ സല്‍മാന്റെയും ചിത്രങ്ങള്‍ ട്വിറ്ററിലൂടെ പങ്ക്‌വച്ചാണ് സഊദി യു.എസ് തീരുമാനമത്തെ സ്വീകരിച്ചത്. തങ്ങള്‍ അതിജീവിച്ചെന്നും 'കളി' അവസാനിച്ചെന്നും പ്രവൃത്തിയാണ് വാക്കുകളല്ല എന്ന് അടുക്കുറിപ്പ് എഴുതിയ ചിത്രങ്ങളാണ് പങ്കുവയ്ക്കപ്പെട്ടത്.
കരാറില്‍ നിന്ന് പിന്‍വാങ്ങാനുള്ള ട്രംപിന്റെ ശക്തമായ തീരുമാനത്തിന് എല്ലാവിധ പിന്തുണയും അറിയിക്കുന്നുവെന്ന് ഇസ്‌റാഈല്‍ പ്രധാനമന്ത്രി ബെന്‍യമിന്‍ നെതന്യാഹു പറഞ്ഞു. ലോകത്തിന് അപകടകരമായ കരാറാണ് അവസാനിപ്പിച്ചതെന്നും അദ്ദേഹം പറഞ്ഞു.