തലശ്ശേരി: തമിഴ്‌നാട് സ്വദേശികളായ മൂന്ന് പേരെ മര്‍ദനമേറ്റ പരുക്കുകളോടെ തലശ്ശേരി ജനറല്‍ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം പാലക്കൂല്‍ അവിയാട് ലക്ഷം വീട് കോളനിക്കു സമീപമാണ് സംഭവം. കോളനിയിലെ ജയചന്ദ്രന്‍(23), മാതാവ് തുളസി(48), സഹോദരി രാജേശ്വരി(25) എന്നിവര്‍ക്കാണ് മര്‍ദനമേറ്റത്. ജോലി കഴിഞ്ഞ് ജയചന്ദ്രന്‍ വീട്ടിലേക്ക് വരുമ്പോള്‍ ഈ വഴി കടന്നു പോകാന്‍ പാടില്ലെന്ന് പറഞ്ഞ് പാലക്കൂലിലെ ജിഗീഷ് മര്‍ദിച്ചെന്നാണ് ആരോപണം. വീട്ടിലെത്തിയ ജയചന്ദ്രന്‍ അമ്മയെ വിവരമറിയിച്ചതിനെ തുടര്‍ന്ന് ചോദ്യം ചെയതപ്പോള്‍ ഇവരെയും മര്‍ദിക്കുകയായിരുന്നു. പാനൂര്‍ പൊലിസ് കേസെടുത്തു. ഇവരെ ജാതിപ്പേര് വിളിച്ച് അപമാനിച്ചെന്നും പരാതിയുണ്ട്.