പൂച്ചാക്കല്‍:പെരുമ്പളം ദ്വീപ് നിവാസികളുടെ യാത്രക്ലേശം പരിഹരിക്കുന്നതിനായി പാണാവള്ളി ജെട്ടിയില്‍ നിന്ന് സ്വകാര്യബസ് സര്‍വീസ് ആരംഭിക്കുന്നു.വര്‍ഷങ്ങള്‍ക്ക് മുമ്പ് ഇവിടെ നിന്ന് ബസുകള്‍ സര്‍വീസ് നടത്തുകയും പിന്നീട മുടങ്ങുകയുമായിരുന്നു.പാണാവള്ളി ബോട്ട് ജെട്ടിയില്‍ നിന്നാണ് ബസ് സര്‍വീസ് വീണ്ടും പുനരാംഭിക്കുന്നത്.
ബസുകളുടെ പാര്‍ക്കിങ്ങിനായി സൗകര്യം ഒരുക്കുന്നതിന് വേണ്ടിയുള്ള കാനിര്‍മാണം പുരോഗമിക്കുകയാണ്.
കാനയുടെ നിര്‍മാണം ഈ മാസത്തോടെ  പൂര്‍ത്തിയാകുന്നതോടെ ബസ് സര്‍വീസ് ആരംഭിക്കും.70ലക്ഷം രൂപമുടക്കിയാണ് കാനിര്‍മാണം നടക്കുന്നത്.
പാണാവള്ളി ജെട്ടിയില്‍ നിന്ന് എറണാകുളം ഭാഗങ്ങളിലേക്കാണ് ബസ് സര്‍വീസ് നടത്തുന്നത്.ഇത്തരത്തില്‍ എറണാകുളത്തേക്ക് ബസ് സര്‍വീസ് ആരംഭിച്ചാല്‍ ഒരുപരിധിവരെ ദ്വീപ് നിവാസികളുടെ യാത്രാ പ്രശ്‌നം പരിഹരിക്കാന്‍ സാധിക്കും.
നിലവില്‍ ദ്വീപില്‍നിന്നും പാണാവള്ളി ജെട്ടിയില്‍ ബോട്ടും ജങ്കാറും മാര്‍ഗ്ഗം എത്തുന്നവര്‍ നടന്നും ഓട്ടോയിലും മറ്റുമായി പെരുമ്പളം കവലയില്‍ എത്തിയാണ് ബസ് കയറുന്നത്.
ഇത് വലിയ പ്രയാസമാണ് യാത്രക്കാര്‍ക്ക് ഉണ്ടാക്കുന്നത്.ജെട്ടിയില്‍ നിന്ന് തന്നെ സര്‍വീസ് ആരംഭിച്ചാല്‍ ഈ യാത്ര പ്രശ്‌നത്തിന് പരിഹാരം കാണാന്‍ സാധിക്കും.
എറണാകുളം ഭാഗത്തേക്ക് പോകുന്ന  ഒട്ടേറെ തൊഴിലാളികള്‍ക്കും വിദ്യാര്‍ഥികള്‍ക്കും ബസ് സര്‍വീസ് ഏറെ പ്രയോജനപ്പെടും.