പടിഞ്ഞാറത്തറ: മുന്നാം ക്ലാസ് വിദ്യാര്‍ഥിനിയെ പീഡിപ്പിച്ച സംഭവത്തില്‍ മധ്യവയസ്‌കനെ പൊലിസ് അറസ്റ്റ് ചെയ്തു. പടിഞ്ഞാറത്തറ അരമ്പറ്റകുന്ന്, കുറുവകാട്ടില്‍ വാസുദേവ(53)നെയാണ് പടിഞ്ഞാറത്തറ പൊലിസ് അറസ്റ്റ് ചെയ്തത്. അധ്യാപകര്‍ നടത്തിയ കൗണ്‍സിലിങ്ങിനിടെയാണ് സംഭവം പുറത്തറിഞ്ഞത്.
നേരേത്തെ വീട്ടുകാരോട് പറഞ്ഞിരുന്നുവെങ്കിലും പരാതി നല്‍കിയിരുന്നില്ലാത്തതിനെ തുടര്‍ന്ന് അധ്യാപകര്‍ ചൈല്‍ഡ്‌ലൈന്‍ പ്രവര്‍ത്തകരെ വിവരമറിയിക്കുകയായിരുന്നു. ഇവര്‍ പ്രാഥമിക അന്വേഷണം നടത്തിയ ശേഷം പൊലിസിന് റിപ്പോര്‍ട്ട് നല്‍കുകയായിരുന്നു. കുട്ടികള്‍ക്കെതിരെയുള്ള ലൈംഗിക അതിക്രമം തടയുന്നതിനുള്ള പോക്‌സോ നിയമ പ്രകാരമാണ് ഇയാള്‍ക്കെതിരേ കേസെടുത്തത്. വൈത്തിരി സി.ഐ ഹിദായത്തുള്ളയാണ് കേസന്വേഷിക്കുന്നത്. പ്രതിയെ കല്‍പ്പറ്റ കോടതിയില്‍ ഹാജരാക്കി.