ഗൂഡല്ലൂര്‍: പൊതുനിരത്തില്‍ ബൈക്ക് അഭ്യാസം നടത്തിയവരെ പൊലിസ് പിടികൂടി. അഭ്യാസം നടത്തിയ അഞ്ചു ബൈക്കുകളും പൊലിസ് പിടിച്ചെടുത്തിട്ടുണ്ട്. ഊട്ടി-ഗൂഡല്ലൂര്‍ റോഡ്, ഊട്ടി-ദൊഡപേട്ട റോഡ്, ഊട്ടി-കല്ലട്ടി റോഡ് എന്നീ പാതകളിലാണ് കൗമാരക്കാര്‍ ബൈക്ക് റേസ് നടത്തിയത്. ഇതുസംബന്ധിച്ച് നാട്ടുകാര്‍ പൊലിസില്‍ പരാതി നല്‍കിയിരുന്നു. ഇതിന്റെ അടിസ്ഥാനത്തില്‍ നടത്തിയ പരിശോധനയിലാണ് അഞ്ചു ബൈക്കുകള്‍ പൊലിസ് പിടിച്ചെടുത്തത്. അഭ്യാസത്തിലേര്‍പ്പെട്ടവര്‍ 18 വയസിന് താഴെയുള്ളവരാണെന്ന് പൊലിസ് പറഞ്ഞു. 2500 രൂപ പിഴയിട്ടു.