കരുനാഗപ്പള്ളി: തറയില്‍മുക്ക് ശ്രീനാരായണ ഗുരുമന്ദിരത്തിന് സമീപം മദ്യവില്പനശാല സ്ഥാപിക്കുന്നതിനെതിരേ ഗുരുധര്‍മ്മ പ്രചരണസഭ കരുനാഗപ്പള്ളി മണ്ഡലം കമ്മിറ്റിയുടെ നേതൃത്വത്തില്‍ ഏകദിന ഉപവാസം സംഘടിപ്പിച്ചു. ആക്ഷന്‍ കൗണ്‍സില്‍ ചെയര്‍മാന്‍ എം.കെ വിജയഭാനു അധ്യക്ഷത വഹിച്ചു. ശിവഗിരിമഠത്തിലെ അഷ്പര്‍ഷാനന്ദ സ്വാമികള്‍ യോഗം ഉദ്ഘാടനം ചെയ്തു. ഗുരുധര്‍മ്മ പ്രചരണസഭ കരുനാഗപ്പള്ളി മണ്ഡലം പ്രസിഡന്റ് സൗത്ത് ഇന്ത്യന്‍ വിനോദ് മുഖ്യപ്രഭാഷണം നടത്തി.
നഗരസഭാ കൗണ്‍സിലര്‍ ബി. മോഹന്‍ദാസ്, ഗുരുധര്‍മ്മ പ്രചരണ ജില്ലാ കമ്മിറ്റിയംഗം റ്റി.കെ.സുധാകരന്‍, കരുനാഗപ്പള്ളി മണ്ഡലം സെക്രട്ടറി ആര്‍.ഹരീഷ്, ബി.എന്‍.കനകന്‍, സജീവ് സൗപര്‍ണ്ണിക, വി.ചന്ദ്രാക്ഷന്‍, തയ്യില്‍ തുളസി, രാജന്‍ ആലുംകടവ്, കെ.എം.ബഷീര്‍, തോണ്ടലില്‍ വേണു, ശാന്തചക്രപാണി, രാജമ്മ വാമദേവന്‍, പ്രസന്ന, പി.ജി.ലക്ഷ്മണന്‍, കെ.രവീന്ദ്രന്‍ എന്നിവര്‍ പ്രസംഗിച്ചു.