തൃശൂര്‍: പറപ്പൂക്കര പോങ്കോത്രയില്‍ പതിനഞ്ചുകാരിയെ പീഡിപ്പിച്ച കേസില്‍ രണ്ടുപേര്‍ അറസ്റ്റിലായി. പേരാമ്പ്ര പാപ്പാത്ത് വീട്ടില്‍ രാജു, ഇയാളുടെ മകളുടെ ഭര്‍ത്താവ് പോങ്കോത്ര കൊട്ടുംപുള്ളി രാജന്‍ എന്നിവരെയാണ് പുതുക്കാട് പൊലിസ് അറസ്റ്റു ചെയ്തത്. ഒന്നര വര്‍ഷമായി ഇവര്‍ പെണ്‍കുട്ടിയെ പീഡിപ്പിച്ചു വരികയായിരുന്നുവെന്ന് പൊലിസ് പറഞ്ഞു.
ശാരീരികാസ്വാസ്ഥ്യം അനുഭവപ്പെട്ട പെണ്‍കുട്ടി കഴിഞ്ഞ ദിവസം ആശുപത്രിയില്‍ ചികിത്സ തേടിയപ്പോഴാണ് പൊലിസിന് വിവരം ലഭിച്ചത്. തുടര്‍ന്ന് പൊലിസ് പെണ്‍കുട്ടിയുടെ മൊഴി രേഖപ്പെടുത്തി.
സംഭവം പുറത്തുപറഞ്ഞാല്‍ കൊല്ലുമെന്ന് പ്രതികള്‍ ഭീഷണിപ്പെടുത്തിയതായി പെണ്‍കുട്ടി പൊലിസിന് മൊഴി നല്‍കിയിട്ടുണ്ട്. പ്രതികള്‍ രണ്ടുപേരും ഒരുവീട്ടിലായിരുന്നു താമസം. വ്യത്യസ്ത സമയങ്ങളില്‍ ഇവര്‍ പെണ്‍കുട്ടിയെ പീഡിപ്പിക്കുകയായിരുന്നു.
പുതുക്കാട് സി.ഐ എസ്.പി സൂധീരന്റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്.