തിരുവനന്തപുരം: മണ്ണന്തലയില്‍ പ്രവര്‍ത്തിക്കുന്ന ഗവ. പ്രീ എക്‌സാമിനേഷന്‍ ട്രെയിനിങ് സെന്ററില്‍, 2017 ഏപ്രില്‍, മെയ് മാസങ്ങളില്‍ നടക്കുന്ന മെഡിക്കല്‍, എന്‍ജിനീയറിങ്് എന്‍ട്രന്‍സ് പരീക്ഷയ്ക്ക് സൗജന്യ പരിശീലനം നല്‍കും. തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലെ പട്ടികജാതി,പട്ടിക വര്‍ഗക്കാര്‍ക്കും ഒരു ലക്ഷം രൂപ വരെ കുടുംബ വാര്‍ഷിക വരുമാനമുളള പിന്നോക്ക ന്യൂനപക്ഷ വിഭാഗക്കാര്‍ക്കും അപേക്ഷിക്കാം. ഈ മാസം 28ന് ആരംഭിക്കുന്ന ക്ലാസില്‍ ചേരാന്‍ താല്‍പര്യമുളളവര്‍ ആറുമാസത്തിനകമുളള ജാതി, വരുമാനം, വിദ്യാഭ്യാസ യോഗ്യത എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പുകള്‍ സഹിതം 28 ന് മുമ്പ് സെന്ററില്‍ അപേക്ഷ സമര്‍പിക്കണം. അപേക്ഷാ ഫോം ഓഫിസില്‍ ലഭിക്കും. ഫോണ്‍: 0471 2543441.