തൃശൂര്‍: വസ്തു വില്‍പന രംഗത്തു ഇടനിലക്കാരായി തൊഴിലെടുത്തു വരുന്ന കേരള ലാന്‍ഡ് കമ്മീഷന്‍ ഏജന്റ്‌സ് അസോസിയേഷന്‍ സംസ്ഥാന പ്രവര്‍ത്തക കണ്‍വന്‍ഷന്‍ ഇന്നു രാവിലെ പത്തിനു സാഹിത്യ അക്കാദമി ഹാളില്‍ നടത്തും. തണല്‍ ട്രസ്റ്റ് ചെയര്‍മാന്‍ ഡോ. കെ.ബാലകൃഷ്ണമേനോന്‍ ഉദ്ഘാടനം ചെയ്യും. സ്വാഗത സംഘം ചെയര്‍മാന്‍ യു.ജെ റോയ് അധ്യക്ഷനാകും . ജില്ലാ പഞ്ചായത്തംഗം ശോഭ സുബിന്‍, പാണഞ്ചേരി ബ്ലോക്ക് കോണ്‍ഗ്രസ് പ്രസിഡന്റ് കെ.സി അഭിലാഷ് തുടങ്ങിയവര്‍ സംസാരിക്കും.
സര്‍ക്കാരുകളുടെ അശാസ്ത്രീയമായ നയങ്ങള്‍ മൂലം വസ്തു വില്‍പ നടക്കാത്തതിനാല്‍ കമ്മീഷന്‍ ഏജന്റുമാര്‍ക്കു തൊഴിലില്ലാതായിരിക്കയാണെന്നു സ്വാഗതസംഘം ചെയര്‍മാന്‍ യു.ജെ റോയ് വാര്‍ത്താസമ്മേളനത്തില്‍ പറഞ്ഞു. സംസ്ഥാന ജനറല്‍ സെക്രട്ടറി പി.കെ ഗോപാലകൃഷ്ണന്‍, തൃശൂര്‍ ജില്ലാ പ്രസിഡന്റ് ഇ.എം വിന്‍സന്റ്, ജില്ലാ സെക്രട്ടറി എം.പി കുട്ടന്‍, ട്രഷറര്‍ വേണുഗോപാല്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.