കൊച്ചി: കേരള സോഷ്യലിസ്റ്റ് യുവജന ഫെഡറേഷന്റെ ആഭിമുഖ്യത്തില്‍  ഇന്ന് രാവിലെ 10.30ന് സിറ്റി പൊലിസ്  കമ്മിഷണര്‍ ഓഫിസിലേക്ക് മാര്‍ച്ച് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ചുംബനസമരവും സദാചാര പൊലിസിങ്ങ് എന്നിവയില്‍ പ്രതിഷേധിക്കുന്നതിന്റെ ഭാഗമായാണ് മാര്‍ച്ച്്. മാര്‍ച്ച് ഹൈക്കോടതി ജങഷനില്‍ സി.എം.പി ജനറല്‍ സെക്രട്ടറി കെ.ആര്‍ അരവിന്ദാക്ഷന്‍ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ കെ.എസ്.വൈ.എഫ് സംസ്ഥാന പ്രസിഡന്റ് ടി.പി സുനില്‍കുമാര്‍, സംസ്ഥാന സെക്രട്ടറി എ.എം. രമേശന്‍, ജില്ല പ്രസിഡന്റ് എം. അജീബ്, ജില്ല സെക്രട്ടറി വി.ആര്‍. ബാലഗോപാല്‍ തുടങ്ങിയവര്‍ പങ്കെടുത്തു.