ബെയ്ജിങ്: ജപ്പാന്റെ യുദ്ധക്കപ്പല്‍ ദക്ഷിണ ചൈനാ കടലില്‍ പ്രവേശിച്ചതിനെതിരേ രൂക്ഷ വിമര്‍ശനവുമായി ചൈന. ജപ്പാന് കനത്ത തിരിച്ചടി നല്‍കുമെന്ന് ചൈനീസ് വിദേശകാര്യ മന്ത്രാലയ വക്താവ് ഹുയാ ചുന്‍യിങ് വ്യക്തമാക്കി. ഇന്ത്യന്‍ മഹാസമുദ്രം, ദക്ഷിണ ചൈനാ കടല്‍ എന്നിവിടങ്ങളില്‍ നാവിക പ്രകടനങ്ങള്‍ സംഘടിപ്പിക്കുമെന്ന് കഴിഞ്ഞദിവസം ജപ്പാന്‍ സൂചിപ്പിച്ചിരുന്നു. ഇതാണ് ചൈനയെ ചൊടിപ്പിച്ചത്.
തെറ്റായ നടപടിയാണ് ജപ്പാന്റെ ഭാഗത്തുനിന്നുണ്ടായത്. ഇത് ചൈനയെ പ്രകോപിപ്പിക്കുന്നതാണ്. തങ്ങളുടെ രാജ്യത്തിന്റെ പരമാധികാരത്തിനും സുരക്ഷയ്ക്കും ഭീഷണിയുയര്‍ത്തുന്ന പ്രവര്‍ത്തനങ്ങളിലേര്‍പ്പെട്ടാല്‍ കടുത്ത പ്രത്യാഘാതങ്ങളുണ്ടാകുമെന്നും ചൈന മുന്നറിയിപ്പ് നല്‍കി.