നിലമ്പൂര്‍: പൂച്ചക്കുത്തില്‍ കാറിടിച്ച് പുള്ളിമാന്‍ ചത്തു. പൂച്ചക്കുത്ത് ഔട്ട് പോസ്റ്റിനു സമീപം സി.എന്‍.ജി റോഡില്‍ ഇന്നലെ ഉച്ചയ്ക്ക് രണ്ടരയോടെയാണ് സംഭവം. മൂന്നരവയസ് പ്രായം തോന്നിക്കുന്ന ആണ്‍ മാനാണ് ചത്തത്. ഡ്രൈവിംഗ് സ്‌കൂളിന്റെ കാറാണ് മാനിനെ ഇടിച്ചു തെറിപ്പിച്ചത്. മാനിടിച്ച് എതിരെ വന്ന മറ്റൊരു കാറിന്റെ ചില്ലും തകര്‍ന്നു. പോസ്റ്റ്‌മോര്‍ട്ടത്തിനു ശേഷം വനപാലകര്‍ മാനിനെ വനത്തില്‍ കുഴിച്ചിട്ടു.