കണ്ണൂര്‍: അക്രമങ്ങളും കൊലപാതകങ്ങളും പഴയ കൊടുക്കല്‍ വാങ്ങല്‍ സമ്പ്രദായം പോലെ നാട്ടില്‍ നിലനില്‍ക്കുന്നതിനെതിരേ 'ബാര്‍ട്ടര്‍' എന്ന പേരില്‍ ഹ്രസ്വചിത്രം പുറത്തിറക്കി. പഴയകാലത്ത് വസ്തു നല്‍കി മറ്റൊന്ന് വാങ്ങിയെങ്കില്‍ ഇന്നു കുത്ത് കൊടുത്ത് പകരം വെട്ട് വാങ്ങുകയാണെന്നും ഇതാണു ചിത്രത്തിന്റെ പ്രമേയമെന്നും ഡയറക്ടര്‍ അരുണ്‍ മാവടി, ഛായാഗ്രഹകന്‍ മനീഷ് ചെങ്ങളായി, പി.വി നവീന്ദ്രന്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു.
സൗഹൃദമാണ് ഏറ്റവും വലിയ ശക്തിയും ആയുധവുമെന്നു ചിത്രം തുറന്നുകാട്ടുന്നു. ഒരാളുടെ ജീവന്‍ ഇല്ലാതാക്കിയിട്ട് ഒരു പ്രസ്ഥാനവും ഒന്നും നേടുന്നില്ലെന്നും ഭാരവാഹികള്‍ പറഞ്ഞു.