ഉമ്മന്ചാണ്ടി കെ.പി.സി.സി അധ്യക്ഷനാവാന് അര്ഹനെന്ന് വയലാര് രവി
തിരുവനന്തപുരം: ഉമ്മന് ചാണ്ടി കെ.പി.സി.സി അധ്യക്ഷനാകാന് യോഗ്യനെന്ന് കോണ്ഗ്രസ് നേതാവ് വയലാര് രവി. പക്ഷേ പുതിയ അധ്യക്ഷന്റെ കാര്യത്തില് താന് ആരുടേയും പേര് നിര്ദ്ദേശിക്കില്ലെന്നും അദ്ദേഹം പറഞ്ഞു.
പ്രസിഡന്റിനെ തെരഞ്ഞെടുക്കുമ്പോള് ജാതിമത സമവാക്യങ്ങള് പരിഗണിക്കണം. സമൂഹത്തില് അത് യാഥാര്ത്ഥ്യമാണ്. അത് ഇല്ലെന്ന് പറയാന് താനില്ലെന്നും അദ്ദേഹം കൊച്ചിയില് മാധ്യമപ്രവര്ത്തകരോട് പറഞ്ഞു.
നേതൃത്വത്തില് കൃത്യമായ അഴിച്ചുപണി നടത്തിയാല് മാത്രമെ കോണ്ഗ്രസിന് തിരിച്ചുവരാന് സാധിക്കുവെന്ന മുതിര്ന്ന കോണ്ഗ്രസ് നേതാവ് മണിശങ്കര് അയ്യറുടെ പരാമര്ശത്തെയും വയലാര് രവി വിമര്ശിച്ചു. ഒരു സുപ്രഭാതത്തില് പാര്ട്ടിയിലേക്ക് ഓടിക്കയറി വന്നയാളാണ് മണിശങ്കര് അയ്യര്. കോണ്ഗ്രസ് ശൈലി അറിയാത്തത് കൊണ്ടാണ് അദ്ദേഹം അങ്ങനെ സംസാരിക്കുന്നതെന്നും വയലാര് രവി പറഞ്ഞു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."