ലണ്ടന്‍: ഇംഗ്ലണ്ടിന്റെ എക്കാലത്തെയും മികച്ച വിക്കറ്റ് വേട്ടക്കാരനായ ജെയിംസ് ആന്റേഴ്‌സന്‍ പാകിസ്താനെതിരേ കളിച്ചേക്കില്ല. തോളിനേറ്റ പരുക്കാണ് താരത്തിന് തിരിച്ചടിയായിരിക്കുന്നത്. ശ്രീലങ്കയ്‌ക്കെതിരായ പരമ്പരയിലെ അവസാന മത്സരത്തിലാണ് താരത്തിന് പരുക്കേറ്റത്. പാകിസ്താനെതിരേ നാലു മത്സരങ്ങളടക്കുന്ന ടെസ്റ്റ് പരമ്പരയാണ് ഇംഗ്ലണ്ട് കളിക്കുന്നത്. ഇതില്‍ ആദ്യത്തേത് ജൂലൈ 14ന് ലോര്‍ഡ്‌സില്‍ ആരംഭിക്കും. ആദ്യ മത്സരത്തില്‍ താരത്തിന് കളിക്കാനേ സാധിക്കില്ലെന്ന് ഇംഗ്ലീഷ് ക്രിക്കറ്റ് ബോര്‍ഡ് വ്യക്തമാക്കി.