തിരുവനന്തപുരം: ദക്ഷിണ കേരള ലജ്‌നത്തുല്‍ മുഅല്ലിമീന്‍ തിരുവനന്തപുരം ജില്ലാ വാര്‍ഷിക ജനറല്‍ ബോഡി യോഗവും തെരഞ്ഞെടുപ്പും ഇന്ന് രാവിലെ പത്തിന് പാങ്ങോട് മന്നാനിയ കോപ്ലംക്‌സില്‍ നടക്കും. ജില്ലാ പ്രസിഡന്റ് തൊളിക്കോട് മുഹ്‌യിദ്ദീന്‍ മൗലവി അധ്യക്ഷനാകും. ദക്ഷിണ കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി കടയ്ക്കല്‍ അബ്ദുല്‍ അസീസ് മൗലവി ഉദ്ഘാടനം നിര്‍വ്വഹിക്കും. കേരള ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവി, ലജ്‌നത്തുല്‍ മുഅല്ലിമിന്‍ സംസ്ഥാന ജനറല്‍ സെക്രട്ടറി പാങ്ങോട് എ. ഖമറുദ്ദീന്‍ മൗലവി തുടങ്ങിയവര്‍ സംബന്ധിക്കുമെന്ന് ജില്ലാ സെക്രട്ടറി കടുവയില്‍ എ.എം. ഇര്‍ഷാദ് ബാഖവി അറിയിച്ചു.