പുന്നയൂര്‍:  പുന്നയൂര്‍ വടക്കേക്കാട് പഞ്ചായത്തുകളെ ബന്ധിപ്പിക്കുന്ന ആലാപാലം അണ്ടിക്കോട്ട് കടവ് റോഡ് ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍ നാടിന് സമര്‍പ്പിച്ചു. പുന്നയൂര്‍ പഞ്ചായത്ത് ആക്ടിങ് പ്രസിഡന്റ് ആര്‍.പി ബഷീര്‍ അധ്യക്ഷനായി.  
  ബ്ലോക്ക് പഞ്ചായത്തംഗം കെ.പി ഉമര്‍ മുഖ്യാതിഥിയായി.  വടക്കേക്കാട് പഞ്ചായത്ത് പ്രസിഡന്റ് മറിയു മുസ്തഫ, വൈസ് പ്രസിഡന്റ് എന്‍.എം.കെ നബീല്‍, ജില്ലാ പഞ്ചായത്ത് എക്‌സിക്യൂട്ടീവ് എന്‍ജിനീയര്‍ ഐഡ, പുന്നയൂര്‍ പഞ്ചായത്ത് ക്ഷേമ കാര്യ സ്ഥിരം സമിതി അധ്യക്ഷന്‍ ഐ.പി രാജേന്ദ്രന്‍, ബ്ലോക്ക് പഞ്ചായത്തംഗം എം.വി ഹൈദരലി, പുന്നയൂര്‍, വടക്കേക്കാട് പഞ്ചായത്തുകളിലെ അംഗങ്ങളായ സുഹറ ബക്കര്‍, ഉമര്‍ അറക്കല്‍, സാബിറ രാങ്കത്ത്, വിവിധ കക്ഷി നേതാക്കളായ വി.എ ഷംസുദ്ധീന്‍, സി.കെ അബ്ദുല്‍ കരീം,  എം.വി ഷക്കീര്‍, മോഹനന്‍ ഈച്ചിത്തറ എന്നിവര്‍ സംസാരിച്ചു.
ജില്ലാപഞ്ചായത്തംഗം ടി.എ ഐഷ സ്വാഗതവും പഞ്ചായത്തംഗം മച്ചിങ്ങല്‍  മുനാഷ് നന്ദിയും പറഞ്ഞു.