വടക്കാഞ്ചേരി: ചിറ്റണ്ടയില്‍ തേക്ക് മരത്തില്‍ കയറി വയോധികന്‍ ആത്മഹത്യാ ഭീക്ഷണി മുഴക്കിയത് നാട്ടില്‍ വലിയ പരിഭ്രാന്തി പരത്തി.  ചിറ്റണ്ട ജ്ഞാനോദയം സ്‌കൂളിന് പുറകില്‍ താമസിക്കുന്ന കൊട്ട പുളിയ്ക്കല്‍ വീട്ടില്‍ രാധാകൃഷ്ണന്‍(61) ആണ് ഒരു സഞ്ചി നിറയെ കല്ലുമായി തേക്ക് മരത്തില്‍ കയറിയത്. തുടര്‍ന്ന് താഴെ തടിച്ച് കൂടിയവര്‍ക്കെതിരെ ഏറും തുടങ്ങി.  നാട്ടുകാര്‍ അറിയിച്ചതോടെ പൊലിസ് സ്ഥലത്തെത്തി.  താഴെയിറങ്ങാനുള്ള ആവശ്യം അതേപടി അംഗീകരിച്ച രാധാകൃഷ്ണന്‍ അനുസരണയുള്ളവനായതോടെയാണ് പരിഭ്രാന്തിയും അകന്നത്.  വടക്കാഞ്ചേരിയില്‍ നിന്നുള്ള അഗ്‌നിശമന സേനയും സ്ഥലത്തെത്തിയിരുന്നു .