കരുനാഗപ്പള്ളി: നമുക്ക് വേണ്ടി മണ്ണിനുവേണ്ടി ക്യാംപയിന്റെ ഭാഗമായി കേരള യൂത്ത് പ്രമോഷന്‍ കൗണ്‍സിലിന്റെ ആഭിമുഖ്യത്തില്‍ വൃക്ഷത്തൈ നട്ട് ലോക വനദിനം ആചരിച്ചു. തഴവ 99ാം നമ്പര്‍ അംഗന്‍വാടിയിലാണ് പരിപാടി നടന്നത്. കേരള യൂത്ത് പ്രമോഷന്‍ കൗണ്‍സില്‍ സംസ്ഥാന ചെയര്‍മാന്‍ സുമന്‍ജിത്ത്മിഷ വൃക്ഷത്തൈ നട്ട് പരിപാടി ഉദ്ഘാടനം ചെയ്തു. പ്രോഗ്രാം കോഓര്‍ഡിനേറ്റര്‍ ബെറ്റസണ്‍ വര്‍ഗീസ് അധ്യക്ഷനായി. അംഗന്‍വാടി ടീച്ചര്‍ ജ്യോതിലക്ഷ്മി വര്‍ക്കര്‍ പത്മകുമാരി, വിഷ്ണുദേവ് എന്നിവര്‍ പ്രസംഗിച്ചു.
കൊല്ലം: ലോക വനദിനം പ്രകൃതിയെക്കുറിച്ച് മനുഷ്യനെ ഓര്‍മിപ്പിക്കുന്നുവെന്ന് ഡി.സി.സി പ്രസിഡന്റ് ബിന്ദു കൃഷ്ണ. മരങ്ങളും വനങ്ങളും വെട്ടിനശിപ്പിക്കുന്നതും മലകളും കുന്നുകളും ഇടിച്ച് നശിപ്പിക്കുന്നത് കൊണ്ടും മനുഷ്യരാശിയുടെ നാശത്തിന് കാരണമാകുന്നു. ഇതില്‍ നിന്നും സമൂഹത്തെ രക്ഷിക്കുവാനുളള ഉത്തരവാദിത്വം യുവതലമുറ ഏറ്റെടുക്കണമെന്ന് ബിന്ദു കൃഷ്ണ അഭിപ്രായപ്പെട്ടു. ത്യാഗ് ഫൗണ്ടേഷന്റെ ആഭിമുഖ്യത്തില്‍ ക്വയിലോണ്‍ ഇന്‍സ്റ്റിറ്റ്യൂട്ടും ഡി.ബി.എല്‍.പി.എസ് സ്‌കൂളും സഹകരിച്ച് ലോകവനദിനത്തോട് അനുബന്ധിച്ച് കൊച്ചിയില്‍ മരണപ്പെട്ട മിഷേലിന്റെ ഓര്‍മയ്ക്കായി 19 ഫലവൃക്ഷതൈകള്‍ അഷ്ടമുടിക്കായലിന്റെ തീരങ്ങളില്‍ നട്ട് പിടിപ്പിക്കുന്നതിന്റെ ഭാഗമായി യുവകൂട്ടായ്മ ഉദ്ഘാടനം ചെയ്യുകയായിരുന്നു ബിന്ദു കൃഷ്ണ. യോഗത്തില്‍ ത്യാഗ് ഫൗണ്ടേഷന്‍ ചെയര്‍മാന്‍ റാഫി കൊല്ലം അധ്യക്ഷനായി. ഉണ്ണികൃഷ്ണന്‍, ഷെഫീഖ് കിളികൊല്ലൂര്‍, പി. അനില്‍കുമാര്‍, നവാസ് റഷാദി, ശ്രീരാജ്, ഉനൈസ് പളളിമുക്ക്, ശ്രീകുമാര്‍ അയത്തില്‍, മുബാറക്ക്, സച്ചു പ്രതാപ്, വിഷ്ണു, അഭിലാഷ്, സൂര്യന്‍, പ്രിജോ ജോസഫ്, മാഹീന്‍, ശ്രീജിത്ത്, അഞ്ജു, ദിവ്യ, അശ്വതി എന്നിവര്‍ നേതൃത്വം നല്‍കി.