മലമ്പുഴ: മലമ്പുഴ ഐ.ടി.ഐയിലെ നാഷണല്‍ സര്‍വീസ് സ്‌കീമിന്റെ ആഭിമുഖ്യത്തില്‍ നടന്നു വരുന്ന അഞ്ചാം സപ്തദിന ക്യാംപിന്റെ ഭാഗമായി എം. ഗിരിജ, ആതിര എന്നിവരുടെ നേതൃത്വത്തില്‍ 50 വിദ്യാര്‍ഥികള്‍ മലമ്പുഴ ഗാര്‍ഡനിലെത്തി പ്ലാസ്റ്റിക് നിര്‍മാര്‍ജന യജ്ഞം നടത്തി. 15 ന് തുടങ്ങിയ ക്യാംപ് നാളെ സമാപിക്കും.
സൈബര്‍  സെക്യൂരിറ്റി, ദൃശ്യമാധ്യമങ്ങളുടെ സ്വാധീനം വിദ്യാര്‍ഥികളില്‍, വിദ്യാര്‍ഥി സമൂഹം നേരിടുന്ന വെല്ലുവിളികള്‍, ലഹരിവിമുക്ത കേരളം, യോഗ നിത്യജീവിതത്തില്‍, വിദ്യാഭ്യാസം ഗാന്ധിജിയുടെ വീക്ഷണത്തില്‍, രക്തദാനബോധവത്കരണം, പരിസര  ശുചീകരണവും ജീവിത ശൈലീരോഗങ്ങളും വിഷയങ്ങളില്‍ ക്ലാസുകളും നേത്രപരിശോധന ക്യാംപും ഉണ്ടായിരുന്നു.