പെരിന്തല്‍മണ്ണ: ടൗണില്‍ നടപ്പാക്കിയ പുതിയ ട്രാഫിക് ക്രമീകരണത്തിനെതിരെ ബസുടമകള്‍ സമരത്തിന്. ടൗണില്‍ നാനൂറോളം ബസുകള്‍ സര്‍വിസ് നടത്തുമ്പോള്‍ ഇവയെല്ലാം ഒരു റോഡിന്റെ ഒരു വശത്ത് നിര്‍ത്തി യാത്രക്കാരെ കയറ്റിയിറക്കുമ്പോള്‍ ട്രാഫിക് ജങ്ഷനില്‍ ഗതാഗതക്കുരുക്ക് കൂടാന്‍ ഇടയാക്കുമെന്ന് പ്രൈവറ്റ് ബസ് ഓണേഴ്‌സ് അസോസിയേഷന്‍ ഭാരവാഹികള്‍ പറഞ്ഞു.
പുതിയ പരിഷ്‌ക്കാരം കാരണം ബസുകള്‍ക്ക് സര്‍വിസ് നടത്താനും പ്രയാസമാണ്. പരിഷ്‌കാരം പിന്‍വലിച്ചില്ലെങ്കില്‍ സര്‍വിസ് നിര്‍ത്തിവച്ച് സമരവുമായി മുന്നോട്ടുപോകുമെന്നും ഭാരവാഹികള്‍ അറിയിച്ചു. ഇതുസംബന്ധിച്ച യോഗത്തില്‍ പ്രസിഡന്റ് സി.ഹംസ അധ്യക്ഷനായി.