സിഡ്‌നി: അമിത ആത്മവിശ്വാസം ആസ്‌ത്രേലിയക്കെതിരായ പരമ്പരയില്‍ ഇന്ത്യക്ക് തിരിച്ചടിയായതായി മുന്‍ ആസ്‌ത്രേലിയന്‍ പേസര്‍ മിച്ചല്‍ ജോണ്‍സന്‍. ധര്‍മശാലയില്‍ നടക്കുന്ന അവസാന ടെസ്റ്റിന് മുന്‍പേ ഇന്ത്യ സമ്മര്‍ദത്തിലായെന്നും ജോണ്‍സന്‍ പറഞ്ഞു.
ധര്‍മശാലയില്‍ പേസിന് അനുകൂലമായ പിച്ചാണ് ഉള്ളത്. സ്പിന്നര്‍മാര്‍ കൂടുതലുള്ള ഇന്ത്യ ഇതിനാല്‍ സമ്മര്‍ദ്ദത്തിലാണ്. ആസ്‌ത്രേലിയ പരമ്പര സ്വന്തമാക്കാന്‍ എല്ലാ സാധ്യതയും ഉണ്ട്.
പരമ്പര അനായാസം തൂത്തുവാരാമെന്ന് ഇന്ത്യ കണക്കുകൂട്ടി. എന്നാല്‍ അവരുടെ പ്രതീക്ഷകളെല്ലാം തെറ്റി.ഇപ്പോള്‍ എങ്ങനെയെങ്കിലും ജയിക്കാന്‍ സാധിക്കില്ലെന്ന് ഇന്ത്യക്ക് ഉറപ്പായിട്ടുണ്ടെന്നും ജോണ്‍സന്‍ കൂട്ടിച്ചേര്‍ത്തു.