മലപ്പുറം: പുഴക്കാട്ടിരി ഗ്രാമ പഞ്ചായത്തിന്റെയും സാക്ഷരതാമിഷന്റെയും തൊഴിലുറപ്പ് തൊഴിലാളികളുടെയും നേതൃത്വത്തില്‍ ജലദിനം ആചരിച്ചു. ദിനാചരണത്തിന്റെ ഭാഗമായി  പഞ്ചായത്തിലെ 16-ാം വാര്‍ഡിലെ കട്ടിലശ്ശേരി കളത്തില്‍കുളം ശൂചികരിച്ചു. ശുചീകരണ പ്രവര്‍ത്തനത്തില്‍ തദ്ദേശവാസികള്‍, പെരിന്തല്‍മണ്ണ പോളിടെക്‌നിക്ക്, വളാഞ്ചേരി കൊച്ചിന്‍ കോളജ് ഓഫ് എന്‍ജിനിയറിങിലെയും എന്‍.എസ്.എസ് വളണ്ടിയാര്‍മാരും ശുചീകരണത്തില്‍ പങ്കാളികളായി. ഫീല്‍ഡ് പബ്ലിസിറ്റി ഓഫിസര്‍ സി. ഉദയകുമാര്‍ ബോധവല്‍ക്കരണ ക്ലാസെടുത്തു. പഞ്ചായത്ത് പ്രസിഡന്റ് പി.കെ ജയറാം, വാര്‍ഡ് മെമ്പര്‍ അബ്ദുല്‍ മൂജീബ് പ്രസംഗിച്ചു. വൈസ് പ്രസിഡന്റ് നജ്മുന്നീസ, ബ്ലോക്ക് മെമ്പര്‍ ഉണ്ണി, സാക്ഷരതാ പ്രേരക്മാരായ നന്ദിതബോസ്, പങ്കജവല്ലി, സി.ഡി.എസ് പ്രസിഡന്റ് ദേവയാനി എന്നിവര്‍ നേതൃത്വം നല്‍കി.